“Twitter” jemgyýetçilik tory abunaçylaryň hasaplaryna tölegli barlag ulgamyny girizmek işini ABŞ-nyň Kongresine geçirilýän aralyk saýlawlar gutarýança yza süýşürdi. Bu barada çeşmelere salgylanyp, “The New York Times” gazetiniň berýän maglumatyny gazeta.ru paýlaşýar.
“Twitter” abunaçylaryň hasaplaryna aýda 7,99 dollara deň bolan tölegli barlag ulgamyny girizmek işini sişenbe güni geçiriljek aralyk saýlawlar gutarýança yza süýşürýär” diýip, neşir ýazýar. Kompaniýanyň wekili gazet materialy üçin söhbetdeşlikde bu işi saýlawlardan soň, ýagny 9-njy noýabra geçirmek çözgüdine gelendiklerini mälim etdi.
Ozal belli bolşy ýaly, gök bellijekli hasaplara ilkinji elýeterliligi ABŞ-dan, Kanadadan, Awstraliýadan, Beýik Britaniýadan, Täze Zelandiýadan bolan müşderiler alyp bilerler. Kompaniýanyň wekilleri bahasy 8 dollara golaý abunanyň ilkibaşda ozal elýeterliligi bolan ulanyjylaryň az sanly topary üçin elýeterli boljakdygyny tassykladylar. Işläp taýýarlaýjylar häzir synag edýärler we ähli hasaplar üçin bu täzeligi girizmekçi bolýarlar.
“App Store” platformasynda düşündirmeklerine görä, “Twitter” jemgyýetçilik torunyň abunaçylary ýakyn wagtda meşhur ýyldyzlardyr kompaniýalar, syýasatçylar ýaly gök bellijek alyp bilerler. Munuň özi hasabyň, hakykatdan-da, abunasy bolan adama degişlidigini alamatlandyrar.
