3-nji noýabrda Russiýa Federasiýasynyň Prezidenti Wladimir Putin Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowy IV derejeli «Watanyň öňünde bitiren hyzmatlary üçin» diýen ordeni bilen sylaglady.
W.Putin Gurbanguly Berdimuhamedowy degişli orden bilen sylaglamak hakynda Permana baryp şu ýylyň awgust aýynda gol çekipdi. Bu günki gün Milli Geňeşiň Halk Maslahatynyň Başlygynyň Russiýa Federasiýasyna resmi saparynyň çäklerinde bolsa ordeni gowşurmak dabarasy geçirildi.
Ýygnananlaryň elçarpyşmalary astynda Prezident Wladimir Putin dabaraly ýagdaýda Türkmenistanyň Milli Geňeşiniň Halk Maslahatynyň Başlygyna ordeni gowşurdy. Ýygnananlaryň arasynda iki ýurduň wekiliýetleriniň agzalary hem-de köpçülikleýin habar beriş serişdeleriniň wekilleri bar.
Permana laýyklykda, Milli Geňeşiň Halk Maslahatynyň Başlygy bu hormatly sylaga iki ýurduň arasyndaky strategik hyzmatdaşlygy pugtalandyrmaga uly şahsy goşandy üçin mynasyp boldy.
