Mask Twitteriň direktorlar geňeşini işden boşatdy

  • 02.11.2022 22:21
  • 10k+

Telekeçi Ilon Mask 27-nji oktýabrda Twitter kompaniýasyny alandan soň, onuň direktorlar geňeşini işden boşatdy. Bu barada ABŞ-nyň Gymmatly kagyzlar we biržalar boýunça komissiýasynyň (SEC) bazasynda ýerleşdirilen resminamalarda aýdylýar diýip TASS habar berýär.

«27-nji oktýabrda birleşmek boýunça geleşigiň baglaşylmagy netijesinde jenap Mask Twitteriň ýeke-täk direktory boldy. Birleşmek boýunça ylalaşygyň şertlerine laýyklykda, geleşigi baglaşmagyň tamamlanan pursadynda direktor wezipesinde oturan adamlar, wezipeden boşadyldy» — diýip, resminamalaryň birinde takyklanýar.

Sosial tory şärikdeş esaslandyryjy Jek Dorsi kompaniýanyň paýnamalarynyň 2,4% paýyny özünde saklap galdy. Häzirki wagtda ol 18 mln-dan sähel gowrak paýnama eýe, olaryň umumy bazar bahasy 1 mlrd dollardyr.


21.11.2025 11:47
2.7k+

Ilon Mask emeli aň hasaplamalaryny kosmosa geçirmegi teklip etdi

Amerikaly milliarder Ilon Maskyň pikiriçe, geljek bäş ýylda emeli aň bilen baglanyşykly hasaplaýyş güýçlerini ösdürmegiň iň amatly ýoly olary kosmosa göçürmek bolar. Bu barada ol Waşingtonda ABŞ bilen Saud Arabystanynyň ykdysady hyzmatdaşlygyna bagyşlanan forumda aýtdy...

18.11.2025 11:14
3k+

Mask Grok 5-iň çykmagyny geljek ýyla süýşürdi. EA-ny adam derejesine ýetirmek meýilleşdirilýär

Ilon Mask xAI startapynyň Grok çat-botunyň täze wersiýasy bolan Grok 5-iň ozal meýilleşdirilişi ýaly 2025-nji ýylyň ahyrynda däl-de, indiki ýylyň birinji çärýeginde çykjakdygyny habar berdi. Onuň aýtmagyna görä, goşmaça okuwlardan soň täzelenen model ähli bäsdeşlerinden öňe geçip, hatda 10% ähtimallyk bilen adam aňynyň derejesine ýetip biler...

18.11.2025 11:13
2k+

Grokipedia işe girizilenden tiz wagtdan soň gyzyklanmanyň pese gaçmagy bilen ýüzbe-ýüz boldy

Ilon Maskyň oktýabrda işe girizilen Grokipedia onlaýn ensiklopediýasy auditoriýanyň uly bölegini derrew ýitirdi. Gysga wagtyň içinde saýtyň iň ýokary trafigi 90%-den gowrak azaldy. Similarweb-iň maglumatlaryna görä, ABŞ-da saýta girýänleriň iň ýokary derejesi 28-nji oktýabrda boldy we 460 000-den gowrak giriş hasaba alyndy, ýöne häzir saýta günde, takmynan, 30 000 adam girip görýär...

17.11.2025 13:39
4.5k+

Mask: Ýene-de 20 ýyldan adamlar aňlaryny robotlara geçirip bilerler

Tesla we Neuralink kompaniýalarynyň baş direktory Ilon Mask takmynan 20 ýyldan soň adamlaryň öz "menini" — ýatlamalaryny, başarnyklaryny we duýgularyny — androide geçirip biljekdigini çaklady. Onuň sözlerine görä, bu iki taslamanyň: Neuralink-iň neýrointerfeýsleriniň we Tesla-nyň Optimus gumanoid robotlarynyň utgaşdyrylmagy arkaly gazanylar...