Britaniýanyň patyşalyk zikgehanasy Beýik Britaniýanyň täze patyşasy Karl III-niň şekili bilen 50 pens nominalda teňňe çykaryp başlady. Bu barada “The Daily Telegraph” gazeti habar berýär diýip, TASS belleýär.
Şu ýyl jemi 9,6 mln teňňe çykarylar. Olaryň dizaýny heýkeltaraş Martin Jennigs tarapyndan işlenildi. Olar dekabr aýynda dolanyşyga giriziler.
Britaniýanyň taryhynda rekord 70 ýyl we 7 aý dolandyran şa aýaly Ýelizaweta II-ä (1926-2022) hormat hökmünde teňňeleriň arka ýüzünde onuň portreti şekillendiriler.
Öň, patyşalyk zikgehanasy Ýelizaweta II-niň şekili bolan teňňeleriň täze teňňeler bilen birlikde dolanyşykda galyp, Angliýanyň bankynyň maglumatyna görä, könelýänçä ýa-da zaýalanýança, kanuny töleg serişdesi boljakdygyny habar berdi. Häzirki wagtda Birleşen Korollykda merhum şa aýalynyň profilini göterýän 27 mlrd töweregi teňňe bar.
