Microsoft Corp. korporasiýasynyň 2023-nji maliýe ýylynyň birinji çärýeginde arassa girdejisi 14% azaldy, girdeji bolsa 11% ýokarlandy. Görkezijileriň ikisi-de analitikleriň çaklanyndan ýokary boldy diýip, MarketWatch ýazýar. Muny interfax.ru ýetirýär.
30-njy sentýabrda tamamlanan maliýe çärýeginde arassa girdeji geçen maliýe ýylynyň degişli döwründäki 20,51 mlrd dollar bilen deňeşdirilende, 17,56 mlrd dollar boldy. Paý üçin hasapda düşewünt bir ýyl ozalky 2,71 dollardan 2,35 dollara çenli azaldy.
Microsoft-yň çärýek girdejisi 45,32 mlrd dollardan 50,1 mlrd dollara çenli artdy. Hünärmenler kompaniýanyň arassa girdejisiniň 49,66 mlrd dollar girdejide paý üçin 2,31 dollar derejesinde bolmagyny çaklapdylar.
Geçen maliýe çärýeginde korporasiýa paýdarlara diwidend tölegleri we paýnamalary yzyna satyn almak görnüşinde 9,7 mlrd dollar gaýtaryp berdi, bu bolsa bir ýyl ozal bu maksatlar üçin sarp edilen mukdardan 11% azdyr.
Şu maliýe çärýeginde kompaniýa girdejiniň 52,35-53,35 mlrd dollar bolmagyny çaklaýar. 2022-nji ýylyň başyndan bäri kompaniýanyň kapitallaşdyrmasy 25,5% peselip, 1,84 trln dollara barabar boldy.
