Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň adyna HHR-iň Başlygy Si Szinpinden hat gelip gowuşdy. Onda Gurbanguly Berdimuhamedowa Hytaý Halk Respublikasynyň jar edilmeginiň 73 ýyllygy mynasybetli iberen gutlagy üçin hoşallyk bildirilýär.
“Siziň Prezident wezipesinde işlän döwrüňizde hytaý-türkmen gatnaşyklarynyň ösdürilmegine goşan şahsy goşandyňyza hem-de hemmetaraplaýyn ýardam berendigiňize, özara bähbitli hyzmatdaşlygymyza we Siz bilen şahsy dostlugymyza ýokary baha berýärin” diýip, HHR-iň Başlygy hatynda Gurbanguly Berdimuhamedow bilen bilelikde geljekde-de iki ýurduň we halklarymyzyň bähbidine hytaý-türkmen hyzmatdaşlygyny öňe ilerletmek üçin ýakyn gatnaşyklary saklamaga taýýardygyny tassyklady.
