Bill we Melinda Geýtsiň haýyr-sahawat işi bilen meşgullanýan gaznasy «Taliban» hereketiniň wagtlaýyn hökümeti bilen bilelikde Owganystanda poliomiýelite garşy göreşmek işini alyp barýar. Bu barada amerikan işewüriniň The Daily Telegraph britan gazetiniň saýtynda çap edilen interwýusynda habar berilýär.
Gaznanyň hyzmatdaşlary talibanlar bilen Katarda duşuşdylar diýip, Geýts gürrüň berdi, ýöne, ABŞ-nyň hereketiň garşysyna goýan sanksiýalaryny nazara almak bilen, munuň ýaly gatnaşyklary "juda çylşyrymly ýagdaýlar" diýip häsiýetlendirdi we jikme-jikliklere berlip durmady. "Talibanlaryň" wekilleri bilen onuň özüniň duşuşmaga taýýardygy-däldigi soralanda, işewür göni jogap bermekden saklandy.
"Dogrusy, bu tema gizlin häsiýete eýemikä ýa dälmi, men bilemok. Poliomiýeliti ýok etmek boýunça kampaniýa köp kömek ederdim. Gaznanyň esasy artykmaçlygy şundan ybarat" - diýip, ol nygtady.
Microsoft kompaniýasynyň esaslandyryjysy bütin dünýäde poliomiýelite garşy göreşmek üçin goşmaça 1,2 mlrd dollaryň bölünip berlendigini mälim etdi. 2007-nji ýyldan bäri onuň haýyr-sahawat gaznasy bu maksat üçin jemi 5 mlrd dollar goýberdi.
