Dünýäde iýmit önümlerini öndürýän iň iri kompaniýa bolan Nestle SA kofe industriýasyny durnukly ösdürmek ulgamyndaky başlangyçlary maliýeleşdirmäge 1 mlrd şweýsar frankyny (1,01 mlrd dollar) gönükdirer.
Kompaniýa NESCAFE Plan 2030 maksatnamasyny işe girizendigini mälim etdi. Bu maksatnama regeneratiw oba hojalygyny ösdürmäge, zyýanly zyňyndylary azaltmaga we fermerleriň durmuşynyň hilini gowulandyrmaga hemaýat bermekligi göz öňünde tutýar.
Maksatnamanyň çäklerinde Nestle fermerleri okadar we tehniki goldaw berer, şeýle hem olara regeneratiw oba hojalygynyň amalyýetine geçmekde kömek bermek üçin hojalygy iň gowy kofe nahallary bilen üpjün eder. Gürrüň Braziliýadaky, Wýetnamdaky, Meksikadaky, Kolumbiýadaky, Kot-d Iwuardaky, Indoneziýadaky we Gondurasdaky fermerler hakynda barýar. Kompaniýa kofeniň 90%-ni şu ýurtlardan satyn alýar. Nestle 2025-nji ýyla çenli özüniň ähli satyn alýan kofeleriniň durnukly ösüşiň ýörelgelerine laýyklykda öndürilmegini gazanmagy öz öňünde maksat edip goýýar.
Ondan hem başga, kompaniýa özünuiň satyn alýan kofesiniň 2025-nji ýyla çenli 20%-niň, 2030-njy ýyla çenli bolsa 50%-niň ösdürip ýetişdirmegiň regeneratiw usulynyň hasabyna öndürilmegine umyt baglaýar.
2022-nji ýylyň başyndan bäri Nestle-niň kapitalizasiýasy 16% peseldi.
