3-nji oktýabrdan başlap, BAE-de wizalaryň berliş düzgüni üýtgedi diýip, «Al-Ittihad» gazeti ýazýar.
Ýurduň hökümeti daşary ýurtlularyň, şol sanda talyplaryň, syýahatçylaryň we iş gözleýän hünärmenleriň durmuşyny ýeňilleşdirmek maksady bilen düzgüne üýtgeşme girizdiler.
Şeýlelikde, standart syýahatçylyk wizalarynyň hereket ediş möhleti 30 günden 60 güne çenli uzaldyldy. Mundan hem başga, ýurduň wezipeli adamlary myhmanlara BAE-ne köp gezeklik gelmäge we ol ýerde ýylda 180 gün ýa-da yzygider 90 günläp bolmaga mümkinçilik berýän bäş ýyllyk rugsatnama berip başladylar.
Dünýäniň 500 sany iň gowy ýokary okuw mekdebiniň ýaş uçurymlary, şeýle-de ýokary derejeli hünärmenler indi iş gözlemek üçin aýratyn giriş wizasyny resmileşdirip bilerler. Olara öňünden onuň iş wariantyny almak zerur däl.
