2022-nji ýylda edebiýat boýunça Nobel baýragy fransiýaly ýazyjy Anni Erno berildi. Bu barada Şwesiýa akademiýasynyň Nobel komiteti yglan etdi diýip, TASS habar berýär.
Anni Erno “şahsy ýatlamalarynyň gözbaşyny, üzňeligini we kollektiw çarçuwasyny açyp görkezmekde batyrgaýlygy, hirurgiki takyklygy üçin laureat boldy” diýip, komitet belleýär.
Komitetiň belleýşi ýaly, özüniň döredijiliginde Anni Erno gender, dil we synpy aýratynlyklary bilen tapawutlanan durmuşy tutanýerlilik bilen we dürli tarapdan öwrenýär”. Onuň ýazyjylyga tarap ýoly uzak we kyn boldy diýip, hünärmenler nygtaýar.
“Bu geň galdyryjy bolup bilmez, ol edebiýat dünýäsinde tanymal we onuň edebiýaty köp dillere terjime edildi” – diýip, Nobel komitetiniň başlygy Anders Ulsson teswir berdi.
Ýazyjynyň özi Es-we-te teleýaýlymyna telefon arkaly beren interwýusynda baýragy almak üçin Stokgolma gelýändigi ýa-da ýokdugy baradaky soraga “Hawa, elbetde! Men örän geň galdym. Bu uly hormat we uly jogapkärçilik” diýip, buýsançly jogap berdi.
