Sapardurdy Toýlyýew Türkmenistanyň Ylymlar akademiýasynyň prezidenti wezipesinden boşadyldy.
Bu barada Prezident Serdar Berdimuhamedow degişli Karar bilen, Sapardurdy Toýlyýewi Türkmenistanyň Ylymlar akademiýasynyň prezidenti wezipesinden boşatmak hakynda Türkmenistanyň Ylymlar akademiýasynyň umumy ýygnagynyň 2022-nji ýylyň 29-njy sentýabrynda çykaran çözgüdini tassyklady.
Mundan ozal Sapardurdy Toýlyýew şol bir wagtda Ministrler Kabinetiniň Başlygynyň ylym, bilim, saglygy goraýyş, sport, ýaşlar we jemgyýetçilik meseleleri boýunça orunbasary we Ylymlar akademiýasynyň prezidenti wezipelerini eýeleýärdi. Ol 8-nji iýulda Prezident Serdar Berdimuhamedowyň gol çeken degişli resminamasy bilen bu wezipeden boşadylyp, Türkmenistanyň Ylymlar akademiýasynyň prezidenti wezipesini ýerine ýetirdi.
