Meta kompaniýasynyň wekiliýeti Özbegistanyň paýtagtyna bolan saparynyň dowamynda Daşkendiň IT-parkynyň wekilleri bilen hyzmatdaşlyk etmek we öz wekilhanasyny açmak barada gepleşikleri geçirdiler. Bu barada duşenbe güni parkyň metbugat gullugy habar berdi.
"Duşuşygyň jemleri boýunça oňa gatnaşyjylar Özbegistanda Meta kompaniýasynyň wekilhanasyny açmagyň mümkindigi barada ylalaşdylar" - diýip, habarda aýdylýar. Daşkentde geçen gepleşiklerde kompaniýa Metanyň Hytaýdaky, Mongoliýadaky we Merkezi Aziýadaky wekili Jorj Çen we Facebook-yň hökümet bilen işleşmek boýunça menejeri Awrora Li wekillik etdiler diýip bellenýär.
Daşkendiň IT-parky ("Programma önümleriniň we maglumat tehnologiýalarynyň tehnologik parkynyň direksiýasy" JÇJ) 2019-njy ýylyň ortalarynda açylypdyю. Üstümizdäki ýylyň alty aýynyň jemi boýunça parkyň 750 töweregi rezidenti bar, ýarym ýylyň içinde olar 2,3 trln somlyk (230 mln dollar töweregi) hyzmatlary bitirdiler. 2022-nji ýylyň jemleri boýunça olar 100 mln dollarlyk hyzmatlary eksport ederler diýip garaşylýar.
