Bütindünýä Saglygy Goraýyş Guramasy (BSGG) geçen hepdäniň içinde dünýäde COVID-19 netijesinde kesellemegiň we ýogalmagyň derejesiniň peselýändigini nygtady.
12-18-nji sentýabr aralygynda dünýäniň ähli sebitlerinde koronawirus bilen kesellemek ýagdaýy azaldy. Ýokuşmaklygyň ep-esli azalýandygy Afrikada (35%), Gündogar Ortaýer deňiz sebitinde (14%), şeýle hem Amerikada (12%) has hem aýdyň duýulýar diýip, BSGG-niň hepdelik epidemiologik býulleteninde aýdylýar.
Tutuş hepdäniň dowamynda dünýäde COVID-19 bilen täze kesellänleriň sany 3,2 mln boldy.
Koronawirusdan ýogalýanlaryň sany ähli sebitlerde azaldy: esasanam — Gündogar Ortaýer deňiz sebitinde (46%), Afrikada (27%), şeýle hem Ýuwaş ummanynyň günbatar böleginde (27%).
Hepdäniň dowamynda dünýä boýunça 9,8 müň adamyň COVID-19 bilen ýogalandygy bellige alyndy.
Pandemiýanyň tutuş dowamynda dünýäde 613 mln adamyň koronawirus bilen keselländigi we keseliň netijesinde 6,5 mln adamyň ýogalandygy anyklandy.
