Hytaý Ýünhay-1 meteorologik hemrasyny uçurdy

  • 22.09.2022 14:27
  • 5.6k+

Hytaý düýn, 21-nji sentýabrda atmosfera, deňiz we älem gurşawyna gözegçilik etmekde ulanylýan üçünji Ýünhay-1 hemrasynyň üstünlikli uçuşyny amala aşyrdy.

Sinhua habarlar agentliginiň habar bermegine görä, Ýünhay-1 03 hemrasynyň uçuşy ýurduň demirgazyk-günbataryndaky Szýusýuan kosmodromyndan Long March-2D raketa göterijisiniň kömegi bilen amala aşyryldy.
Hemra goýberilenden soň, meýilleşdirilen orbital pozisiýasyna çykaryldy.
Şanhaýyň älem uçuşlarynyň tehnologiýasy akademiýasynda (SAST) işlenip taýýarlanan hemra ylmy barlaglar we tebigy betbagtçylyklaryň öňüni almak boýunça barlaglar üçin ulanylar.
Ýünhay-1 hemralarynyň birinjisi 2016-njy ýylyň noýabrynda, ikinjisi bolsa 2019-njy ýylyň sentýabrynda goýberilipdi.
Long March (“Çançžen”/ “Beýik ýörüş”) tapgyrlaýyn raketa göterijiler üçin bu goýberiliş hasap boýunça 438-njidir.


23.06.2025 16:10
5k+

Hytaý inženerleri ilkinji gezek habary buzuň içinde kodlamagy başardy

Pekiniň politehniki institutynyň inženerleri Aziýanyň we Ýewropanyň beýleki uniwersitetlerinden kärdeşleri bilen bilelikde maglumatlary saklamagyň we ibermegiň usulyny oýlap tapdy. Olara howa köpürjiklerini ulanyp, buzuň içinde maglumat ýazmak başartdy...

21.06.2025 17:21
8.2k+

Hytaýyň magnitli otlusynyň nusgasy täze tizlik rekordyny goýdy

Hytaý magnit lewitasiýaly otlynyň (maglew) prototipiniň tizligini bary-ýogy ýedi sekuntda sagatda 650 kilometre ýetirdi. Bu üstünlik Hubeý prowinsiýasynda gurlan täze 1000 metrlik ýokary tizlikli synag ýolunda gazanyldy diýip, «CGTN» habar berýär...

20.06.2025 10:13
3.1k+

Hytaýda rekord täzelenme ýygylygy bolan oýun monitory döredildi

Hytaýly öndüriji HKC dünýäde ilkinji bolup 800 Gs täzelenme ýygylygy bolan oýun monitoryny hödürledi. Kompaniýa miniLED yşyklandyryşy we kwant nokat tehnologiýasy bilen FSA VA matrisasyny ulanypdyr. «ITHome» portalynyň habaryna görä, mundan ozal TN panellerde ýetilen iň ýokary täzelenme ýygylygy 750 Gs, OLED panellerde bolsa 720 Gs-dir...

20.06.2025 10:04
2.2k+

2028-nji ýyla çenli Hytaýyň robototehnika bazary iki esse ýokarlanyp biler: $108 mlrd çenli

Morgan Stanley analitikleriniň hasaplamalaryna görä, Hytaýyň robototehnika bazary 2023-nji ýyldaky 47 mlrd dollardan 2028-nji ýyla çenli 108 mlrd dollara çenli ýokarlanar. Ortaça ýyllyk ösüş 23% bolar. Geçen ýyl Hytaý dünýäniň robototehnika bazarynyň eýýäm 40%-ini eýeledi diýip, South China Morning Post habar berýär...