Amerikanyň Birleşen Ştatlarynyň SpaceX kompaniýasynyň hemra internet-tory indi Ýer togalagynyň ähli yklymlarynda işleýär. Bu barada ýekşenbe güni kompaniýanyň esaslandyryjysy Ilon Mask mälim etdi.
"Starlink tory indi ähli yklymlarda, hatda Antarktikada hem işleýär" - diýip, ol Twitterde ýazdy.
Öňräk, ýekşenbe güni SpaceX Starlink-iň 54 hemradan ybarat nobatdaky tapgyryny älem giňişligine çykardy. Älem giňişligine çykarylan apparatlaryň umumy sany 3 müňden geçýär.
Starlink interneti Ýer ýüzüniň islendik künjegini 5G standartyna laýyk gelýän, sekuntda 1 gigabaýt trafik tizlikli internet bilen üpjün edip biler diýip, kompaniýa ynandyrýar. SpaceX-iň berýän bahasyna görä, jemi 11 müň hemra goýberilmeli we olary ulanyşa girizmek 10 mlrd dollara düşer.
Şeýle hem okap bilersiňiz:
