Iň elýeterli we iň gymmat interneti bolan ýurtlaryň reýtingi düzüldi

  • 20.09.2022 13:19
  • 17k+

Surfshark VPN serwisiniň hünärmenleri iň elýeterli we iň gymmat interneti bolan ýurtlaryň reýtingini düzdüler. Hünärmenler giň zolakly we mobil internet üçin iň arzan nyrhlaryň we ýurtdaky ortaça sagatlaýyn aýlyk hakynyň gatnaşygyny ölçediler. Bu barada incrussia.ru habar berýär.

Gözlege görä, iň elýeterli öý interneti Ermenistanda we Ysraýylda bolup, ony tölemek üçin, degişlilikde, 18 we 19 minut işlemeli. Iň arzan mobil interneti Ysraýylda bolup, ony tölemek üçin 5 sekunt işlemek gerek.
Tutuş dünýä boýunça ortaça görkezijiler, degişlilikde, 6 sagat 31 minut we 13 minut 8 sekuntdyr.
Reýtingiň aşaky setirinde Kot-d’Iwuar ýerleşdi. Afrikanyň bu ýurdunda internet dünýäde iň gymmady bolup, oňa elýeterli bolmak örän kyn. Iň arzan öý internetiniň nyrhyny tölemek üçin 65 sagat 33 minut işlemeli bolýar. Mobil internet birneme arzan düşýär – 59 minut 30 sekunt.
Umuman, soňky ýyl dünýäde öý internetine elýeterlilik birneme peseldi (ortaça 6 minut köp işlemeli), mobil internetine elýeterlilik, tersine, ýokarlandy (2 minut az işlemeli).
Ericsson şwed kompaniýasynyň analitikleri 2022-nji ýylyň ahyryna çenli mobil internetini ulanyjylar aýda 15 Gb trafik sarp ederler diýip hasaplaýarlar. Ösüşiň sebäpleri 5G ulgamynyň ýaýramagy we wideo mazmunyň köpelmegi boldy.

şu gün 02:05
28

Türkmenistanyň Ministrler Kabinetinde mart aýynda geçiriljek çäreleriň Tertibi mälim edildi

Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onuň dowamynda, hususan-da, baharyň birinji aýy üçin meýilleşdirilen medeni çäreleriň Tertibi hödürlendi diýip, «Watan» habarlar gepleşigi habar berýär...

şu gün 01:40
130

Türkmenistanyň zenanlary Halkara zenanlar güni mynasybetli pul sowgatlaryny alar

Prezident Serdar Berdimuhamedow 20-nji fewralda sanly ulgam arkaly geçirilen Ministrler Kabinetiniň mejlisiniň dowamynda Halkara zenanlar güni mynasybetli ýurduň zenanlaryna pul sowgatlaryny bermek hakyndaky Buýruga gol çekdi...

düýn 22:20
1.6k+

Ikinji jahan urşunyň haý-haýly 72 sagady hakda giň gerimli harby dramanyň treýleri çykdy

Focus Features kinokompaniýasy «Basgy» («Давление») atly harby dramanyň treýlerini hödürledi. Ilkinji görkezilişi 29-njy maýa meýilleşdirilen film dünýä prokatyna hem şol aýda çykar. Taryhy filmiň sýužeti Ikinji jahan urşy döwründe antifaşistik goşunlaryň Normandiýa düşürilmeginden 72 sagat öňki wakalary öz içine alýar...

düýn 19:33
8.8k+

Tramp gaýry planetalylara we Ýerden daşardaky ýaşaýyşa degişli maglumatlary ile aýan etmegi tabşyrdy

ABŞ-nyň prezidenti Donald Tramp ýurduň goranmak ministrine we beýleki degişli edaralara Ýerden daşardaky ýaşaýyş, howadaky nämälim hadysalar we uçýan obýektler bilen baglanyşykly döwletde bar bolan materiallary ýüze çykarmagy hem-de olary gizlinlikden aýyrmagy tabşyrdy...