Gazagystanyň Prezidenti Kasym-Žomart Tokaýew Gazagystanyň paýtagty Nur-Sultana Astana adyny gaýtaryp bermek baradaky permana gol çekdi. Ol şenbe güni kanunçylyga ady täzelemäge mümkinçilik berýän, konstitusion geňeşiň makullan düzedişlerine gol çekdi.
"Gazagystan Respublikasynyň paýtagty Nur-Sultan şäheriniň adyny Gazagystan Respublikasynyň paýtagty Astana şäheri diýip üýtgetmeli. Şu perman birinji resmi çap edilen gününden başlap güýje girýär" - diýip, Tokaýewiň saýtynda çap edilen resminamada aýdylýar.
Gazagystanyň deputatlarynyň "Žana Kazahstan" (Täze Gazagystan) topary sentýabryň başynda şähere köne adyny gaýdyp bermek baradaky başlangyç bilen çykyş edipdi.
