Ýaponiýanyň Toyota kompaniýasynyň iň şowly çykan önümleriniň biri hem sözüň doly manysynda miniwen Hiace hasaplanýar. Agzalan awtoulag öz ýurdunda ýokary islegden peýdalanýar. Şeýle-de bolsa, öndüriji miniweni düýpli döwrebaplaşdyrmaga taýýarlyk görýär. Toyota Hiace 2025 doly derejeli elektrokara öwrüler diýip habar berilýär.
Mundan başga-da, täze ýapon ulagynyň debýutynyň möhleti belli boldy. Şeýlelikde, awtoulag bazara 2025-nji ýylda çykmaly. Ondan hem başga geçen hepde internet ulgamynda geljekki elektrokaryň ilkinji render şekili peýda boldy.
Onuň awtorynyň pikirine görä, awtoulag uly möçberde döwrebaplaşma sezewar ediler. Şonuň bilen birlikde, Toyota Hiace 2025 burçlak kuzowyny saklap galar.
Renderlerde şekillendirilen miniwen öz bäsdeşlerine häsiýetli bolmadyk görnüşde ykjam aýnalanandygy bilen tapawutlanýar. «Ýaşyl» modele mahsus häsiýetde, täze ulagda-da radiatoryň klassiki gözenegi ýok. Öňki bamperinde bir jübüt inçe howa zabornikleri ýerleşdirilen, başky optika bolsa ýuka swetodiod zolakdan ybarat.
