9-njy sentýabrda geçirilen Hökümet mejlisinde Ministrler Kabinetiniň Başlygynyň orunbasary M.Mämmedowa öňde boljak baýramçylyk dabaralaryna ýokary derejede taýýarlyk görmek babatda anyk tabşyryklar berildi.
Hususan-da, Prezident Serdar Berdimuhamedow ýurdumyzyň mukaddes Garaşsyzlygynyň 31 ýyllygynyň hormatyna geçiriljek baýramçylyk çärelerine, şol sanda Döwlet münberiniň öňünde guraljak dabaralara, teatrlaşdyrylan çykyşlara, medeni-köpçülikleýin çärelere ýokary derejede taýýarlyk görülmelidigini belledi we olaryň ýokary guramaçylyk derejesini üpjün etmek boýunça anyk tabşyryklary berdi.
Şeýle-de döwlet Baştutany wise-premýer, daşary işler ministri R.Meredowa hem-de Ministrler Kabinetiniň Başlygynyň beýleki orunbasarlaryna ýüzlenip, ýylyň ahyryna çenli geçiriljek halkara ähmiýetli iri çärelere, şol sanda döwlet Baştutanlarynyň saparlaryna, maslahatlara, Halkara Bitaraplyk gününe taýýarlyk görmegiň we olary geçirmegiň ýokary guramaçylyk derejesini üpjün etmegi tabşyrdy.
