Çarşenbe güni Apple tanyşdyryş dabarasynda «akylly» sagatlarynyň täze model hatary barada gürrüň berdi. Çäre korporasiýanyň YouTube-daky resmi kanalynda göni ýaýlymda görkezildi.
Korporasiýanyň täze önümleriniň sanawyna Apple Watch Series 8, Apple Watch SE we täze, rewolýusion Apple Watch Ultra girdi.
Şeýlelikde, Apple Watch Series 8 bedeniň temperaturasynyň üýtgeýşini Selsiýa boýunça 0,1-e çenli ölçemäge ukyply. Şeýle-de, olar ulagyň eýesiniň ýol heläkçiligine uçran pursadyny bilmegi başarýarlar — bu režim diňe ulag sürülýän mahalynda işleýär. Tehnologiýa awtomatik usulda halas ediş gullugyny çagyrýar. Sagatlaryň 18 sagada çenli, tygşytly energiýa düzgüninde goýlanda bolsa 36 sagada çenli zarýady gitmeýär. Series 8 100% alýuminden ýasalan we birnäçe reňki bar. Gurluş 16-njy sentýabrdan başlap satuwa çykar.
Apple Watch SE-niň ikinji nesli çaltlaşdyrylan önümçilige eýe — çipi, öňki wersiýasy bilen deňeşdirilende, 20% çalt işleýär. Apple Watch Ultra-nyň täze modeliniň korpusy titandan edilen we 49 mm-lik tekiz ekrany, zarýady 36 sagatlap gitmeýän, 60 sagada çenli saklanyp bilýän batareýasy bar. Şonuň ýaly-da, sagadyň syýahat üçin niýetlenen Wayfinder funksiýasy hem bar.
Oňa kompos, gijeki režim we beýleki 190 metre çenli aralykdan eşidilýän ses habarlary ýaly täzelikler girýär. Sagatlaryň bu wersiýasynyň GPS-leri has takyk hasaplanýar.
