Türkiýä gitmek isleýän Türkmenistanyň raýatlary munuň üçin uzakmöhletleýin syýahatçylyk wizasyny resmileşdirip bilerler diýip, Orient agentligi Türkiýäniň Türkmenistandaky ilçihanasyna salgylanyp habar berýär.
Syýahatçylyk wizasyny resmileşdirmek üçin hökmany aşakdaky resminamalar zerurdyr:
– hereket ediş möhleti alty aýdan az bolmadyk pasport,
– wiza almak üçin kesgitlenen görnüşde doldurylan arza,
– daşary ýurda gitmek üçin ätiýaçlandyryş (Türkmenistanyň Döwlet ätiýaçlandyryş guramasynda resmileşdirilýär),
– içerki pasportyň (1,3,5,9 we 32-nji sahypalary) we daşary ýurt pasportynyň (suraty bolan baş sahypasy) nusgalary,
– 5х6 ölçegli iki sany fotosurat,
– wiza almaga isleg bildirýäniň we/ýa-da çagyrýan adamyň girdejileriniň derejesi barada resminama (iş ýeriň boýunça almak gerek),
– uçar üçin öňünden kesgitlenilen petek,
– öňünden kesgitlenilen myhmanhana ýa-da Türkiýäniň raýatyndan çakylyk.
Gitmegiň maksadyna baglylykda, aşakdaky resminamalar hem gerek bolup biler:
– Türkiýä dolanyp barylýandygyny tassyklaýan güwänamalar (ýer bölegine resminamalar, işlemäge ygtyýarnama, aýlyk zähmet hakynyň hasaplanylandygy barada maglumat, bankdan göçürme we beýlekiler).
– eger gitmeklik syýahatçylyk kompaniýasynyň üsti bilen amala aşyrylýan bolsa – syýahatçylyk operatorynyň hatynyň asyl nusgasy, şonda saparyň wagty, baryljak ýerler we maksady görkezilmelidir,
– ata-enäniň razylygynyň kepillendiriş edarasy tarapyndan tassyklanan nusgasy we 18 ýaşdan kiçi bolan çaganyň dogluş hakynda şahadatnamasy (sapar wagtynda ata-enäniň ikisiniň-de ýa-da biriniň ýok bolan ýagdaýynda).
TmCars.info-nyň ozal habar berşi ýaly, respublikada bolmagyň düzgünlerini kämilleşdirmek we yzygiderli esasda alyp barmak maksady bilen, türkmen tarapy Türkmenistanyň raýatlary üçin wagtlaýyn wiza düzgünini girizmegi haýyş edip, Türkiýe döwletine ýüz tutdy.
