Türkiýede adamlaryň 16 — 74 ýaş toparlary aralygynda interneti ulanmagyň derejesi 85 göterime ýetdi. Bu barada 2022-nji ýylda öý hojalyk işlerinde maglumat tehnologiýalaryny ulanyjylar boýunça geçirilen gözegçiliklere salgylanyp, Türkiýäniň Statistika instituty käbir maglumatlary ýetirýär.
Trend.az-yň “Anadolu” agentligine salgylanyp berýän habaryna görä, barlaglaryň netijesi boýunça ýurtda 2021-nji ýylda 16 — 74 ýaş aralygyndaky ýaş toparlarynda internet ulanmagyň derejesi 82,6 göterime ýetipdir. Şu ýylda bolsa agzalan ýaş aralygyndaky erkekleriň bu ugurdaky görkezijisi 89,1, zenanlaryňky bolsa 80,9 göterime deň bolupdyr. Tutuş ýurt boýunça internetli öý hojalyklarynyň paýy 94,1 göterime ýetdi. Ol geçen ýylda 92 göterime deň bolupdy.
Öý hojalyklarynyň arasynda internete iň ýokary derejedäki elýeterlilik Stambulda hasaba alnyp, ol 98,7 göterime ýetýär. Günbatar Anatoliýanyň sebitleri bolan Ankara, Konýa, Karaman şäherleri bolsa bu babatda 98,3 göterim derejäni saklaýar.
