2022-nji ýylyň ýanwar – iýul aýlarynda Türkiýä baran daşary ýurtly syýahatçylaryň sany geçen ýylyň degişli döwri bilen deňeşdirilende, 128,28% artyp, 23 030 209 adama barabar boldy. Bu Türkiýäniň Medeniýet we syýahatçylyk ministrligi tarapyndan neşir edilen maglumatlardan gelip çykýar diýip, Anadolu agentligi habar berýär.
Türkiýä baran raýatlaryň sany boýunça 2 992 551 adam bilen Germaniýa öňde barýar. Bu geçen ýylyň degişli döwrüne garanyňda, 137,36% köpdür.
Onuň yzyndan 41,36% ösüş bilen (2 197 331 adam) Russiýa gelýär. Üçünji orny Beýik Britaniýa eýeleýär. Onuň Türkiýä syýahatçylyk akymynda paýy 2036,01 göterim artdy (1 810 248 adam). Bäşlige Bolgariýa bilen Eýranam girdi.
2022-nji ýylyň iýul aýynda Türkiýe 6 665 129 daşary ýurtly syýahatçyny kabul etdi, bu bolsa geçen ýylyň degişli döwründäki görkezijiden 52,84 göterim ýokarydyr.
Bu reýtingde-de birinji orunda 962 müňden gowrak adam bilen Germaniýa ýerleşýär. Ikinji orny Russiýa (741 419 adam), üçünji orny Beýik Britaniýa (545 973 adam) eýeleýär. Soňra Niderlandlar we Bolgariýa gelýär.
