Ululygy boýunça dünýäde ikinji sport harytlaryny öndüriji Adidas AG baş ýerine ýetiriji müdirini üýtgeder diýip, interfax.ru belleýär.
Häzirki CEO Kasper Rorsted 2023-nji ýylda, Adidas onuň işini dowam etdirijini tapanda wezipesinden gider diýip, kompaniýanyň metbugat-relizinde aýdylýar. Täze baş ýerine ýetiriji müdiri gözlemek prosesi eýýäm başlady.
Rorsted Adidas-a 2016-njy ýyldan bäri ýolbaşçylyk edýär.
“Gözegçilik geňeşi we kompaniýanyň mejlisi bilen bilelikde ol ýolbaşçylygyň bökdençsiz geçişini üpjün eder” – diýlip, habarda bellenilýär.
Adidas-yň paýnamalary duşenbe güni söwdada 3,2% arzanlady. Şu ýylyň başyndan bäri olaryň bahasy 37% peseldi.
