«Kith» we «adidas Originals» brendleri 1970-nji ýyllaryň moda dünýäsinden ylhamlanyp, bilelikde täze toplum çykardylar. Bu kolleksiýa öz içine «BW Army», «Samba» we «Japan» ýaly meşhur görnüşleriň döwrebaplaşdyrylan görnüşlerini alýar. Onuň merkezinde dört dürli pastel reňkde hödürlenýän «BW Army» modeli durýar.
Ähli model ýokary hilli nubuk, deri we mahmal materiallaryndan taýýarlanyldy.
Dizaýnynda çeýe we rahat deri içlikler, dizaýna gelşirip, ters goýlan bölekler we dil, petek hem-de gonçda ýerleşen bilelikdäki brend nyşanlary bar.
Kolleksiýa özboluşly reňk toplumyny öz içine alýar. Olar «Ýabany çöl we karton» (Untamed Desert & Cardboard), «Çadyr ýaşyl howa ýaşyl» (Tent Green & Aero Green), «Orhideýa we syrly benewşe» (Marvel Orchid & Magic Lilac), «Awrora kofe öwüşgini we gara-goňur» (Coffee Aurora & Dark Brown) reňklerdir.
Gynansak-da, toplum çäkli mukdarda çykarylýar. Nesibeliler aýakgaplary 20-nji aprelden, ýagny şu günden başlap, dükanlardan we «Kith»-iň resmi saýtyndan satyn alyp bilerler.
