Xiaomi rekord goýýar: MIUI-niň ulanyjylary 547 mln-a ýetdi

  • 23.08.2022 13:41
  • 7.6k+

Golaýda Xiaomi kompaniýasy 2022-nji ýylyň ikinji çärýegi üçin maliýe hasabatyny çap etdi. Şol ýerde beýleki görkezilen maglumatlaryň arasynda MIUI-niň daş görnüşi boýunça gyzykly sanlar getirilýär.

Xiaomi-niň habar bermegine görä, ýylyň ikinji çärýeginde her aýdaky işjeň ulanyjylaryň umumy sany 547 milliona ýetmek bilen üstünlikli rekord goýdy. Hasabat maglumatynda, diňe bir Hytaýyň däl, eýsem, tutuş dünýäniň ulanyjylary göz öňünde tutulýar.
Eger diňe Hytaý göz öňünde tutulsa, onda iýulda her aýky işjeň ulanyjylaryň sany 140,2 mln-a ýetdi, bu hem täze rekord sepgididir. Ikinji çärýegiň dowamynda MIUI-niň dünýä boýunça 17,8 mln täze ulanyjysy, Hytaýda bolsa 4,6 mln ulanyjy bellige alyndy.
2021-nji ýylyň noýabrynda Xiaomi MIUI-niň ulanyjylarynyň sanynyň dünýä boýunça 500 milliondan agandygyny mälim edendigini ýatladýarys.
MIUI-niň resmi debýuty 2010-njy ýylyň tomsunda, awgust aýynda bolupdy. MIUI-niň taryhy beta-synagyň ýüzläp ulanyjylaryndan başlanypdy. Bäş ýyldanam, ýagny 2015-nji ýylda ulanyjylaryň sany 100 milliondan geçipdi. Soň ösüşiň depgini artdy. 2018-nji ýylda kompaniýa eýýäm 200 million, 2019-njy ýylda bolsa 300 million ulanyjy barada hasabat berdi. 2021-nji ýylyň ýanwar aýyndaky ýagdaý boýunça MIUI-niň ulanyjylarynyň sany dünýä boýunça 400 milliondan geçdi.


düýn 11:06
2k+

Xiaomi gös-göni köne gulpuň üstüne dakyp boljak akylly gulp döretdi

Xiaomi täze Xiaomi Self-Install Smart Lock atly akylly gapy gulpuny hödürledi. Ol kompaniýanyň global web sahypasynda peýda boldy we ýakyn wagtda halkara bazara çykarylyp bilner. Enjamyň aýratynlygy — adaty gulpunyň üstüne gös-göni dakyp bolýanlygy...

23.10.2025 17:29
6.7k+

Täze Xiaomi 17 Pro Max berklik synagyndan geçirildi: smartfon kynçylyklara döz geldi

JerryRigEverything YouTube kanalyndan bloger Zak Nelson hytaý flagmanlaryny seýrek synagdan geçirýär. Ýöne täze Xiaomi 17 Pro Max kadadan çykma boldy. 6,9 dýuým ekranly smartfon daşky görnüşi boýunça iPhone 17 Pro-ny ýada salýar, ýöne yzky paneldäki kamera blogunda oturdylan ikinji displeýi bilen tapawutlanýar...

14.10.2025 20:14
2k+

Xiaomi ýyladyşly we ses arkaly dolandyrylýan Mijia akylly ýorganyny hödürledi

Xiaomi gyş gijelerinde rahat ukyny üpjün etmek üçin täze çözgüt — Mijia Smart Electric Blanket atly akylly elektrik ýorganyny tanyşdyrdy. Täze önüm 14-nji oktýabrda Youpin platformasynda 180 ýuan (takmynan 25 dollar) başlangyç bahadan satuwa çykýar...

26.09.2025 18:18
3.3k+

Xiaomi 17 – Snapdragon 8 Elite Gen 5 prosessorly ilkinji smartfon hödürlendi

Xiaomi flagman smartfonlarynyň täze neslini – Xiaomi 17 hataryny hödürledi. Esasy model Snapdragon 8 Elite Gen 5 platformasyna eýe bolan dünýäde ilkinji smartfon boldy. Täze prosessordan başga-da, smartfon öňki wersiýalar bilen deňeşdirilende birnäçe kämilleşmelere eýe boldy...