Ýaponiýanyň premýer-ministri Fumio Kisida koronawirus bilen keselledi diýip, hökümet baştutanynyň kanselýariýasy habar berdi. 65 ýaşly premýer-ministr şu gün kowid üçin položitel barlag tabşyrdy. Häzirki wagtda ol Tokiodaky rezidensiýasynda bolýar diýip, TASS habar berýär.
NHK teleýaýlymynyň maglumatlaryna görä, şenbe güni agşam Kisidada keseliň alamatlary – birneme gyzdyrma we üsgülewük ýüze çykyp başlady.
Şu hepdäniň ikinji ýarymynda Ýaponiýanyň premýer-ministri ýurtda bellenilýän merhumlary ýatlamagyň baýramy bolan Obon mynasybetli birnäçe gün dynç aldy. Ol rugsady Sudzuoka prefekturasynda maşgalasy bilen geçirdi. Anna güni agşam Kisida Tokio gaýdyp geldi.
12-nji awgustda Kisida dördünji gezek koronawirusa garşy sanjym aldy. Ýaponiýada kowide garşy serişdäniň dördünji dozasy häzir diňe garry adamlar üçin elýeterlidir.
Indiki hepde, 27-nji awgustda Kisida Afrika ösüşi boýunça Tokionyň halkara konferensiýasyna (TICAD) gatnaşmalydy.
