Türkmenistanyň Gyrgyzystan bilen özara söwda dolanyşygynyň möçberi şu ýylyň ýanwar — iýun aýlarynda 59 million 889 müň dollara deň boldy. Bu barada Gyrgyzystanyň Milli statistika komiteti habar berýär.
Nygtalyşy ýaly, geçen 6 aýyň dowamynda Türkmenistanyň Gyrgyzystana eksporty 57 million 333 müň dollara deň, Gyrgyzystanyň Türkmenistana eksporty bolsa 2 million 550 müň dollardan gowrak boldy. Geçen 6 aýda iki döwletiň özara haryt dolanyşygynyň ösüşi, geçen ýylyň degişli döwri bilen deňeşdireniňde, 392 göterime deň boldy. Şu döwürde umumy bahasy 13 million 330 müň dollar bolan haryt Türkmenistandan Gyrgyz Respublikasyna eksport edildi. Şolaryň hatarynda elektrik energiýasy, nebit, mineral, himiýa we dokma önümleri agdyklyk edýär.
