2022-nji ýylyň ikinji çärýeginde Hytaýyň internet ägirdi Tencent Holdings Ltd. arassa girdejisini 56% azaltdy, bu bolsa 2004-nji ýylda Gonkongyň fond biržasynda paýnamalaryň ýerleşdirilen pursatyndan bäri görkezijiniň iň uly pese gaçyşy boldy diýip, interfax.ru habar berýär.
Kompaniýanyň arassa girdejisi aprel-iýun aýlarynda bir ýyl ozalky 42,59 mlrd ýuana garşy 18,62 mlrd ýuan ($2,74 mlrd) boldy.
Geçen çärýek Tencent-iň girdejisi 3% azalyp, 134,03 mlrd ýuan boldy.
Oýunlar segmentinde görkeziji 0,5% - 71,68 mlrd ýuana çenli peseldi, maliýe-tehnologiýa we biznes hyzmatlary segmentinde bolsa 0,8% ýokarlanyp, 42,21 mlrd ýuana ýetdi. Onlaýn mahabatdan gelýän girdeji 18% azalyp, 18,64 mlrd ýuan boldy.
2022-nji ýylyň başyndan bäri kompaniýanyň bazar kapitallaşdyrmasy 31,6% azaldy, bu döwürde Hang Seng fond indeksi 14,6% ýitirdi.
