Türkmenistan we Özbegistan ulag ulgamynda ikitaraplaýyn hyzmatdaşlygy ösdürmegiň mümkinçiliklerini alyp maslahatlaşdy. Gepleşikleriň dowamynda taraplar awtoulaglar arkaly ýükleriň daşalyşyny dolulygyna dikeltmäge we ýük daşamak boýunça talaplary ýönekeýleşdirmäge gyzyklanma bildirdiler.
Özbegistanyň Ulag ministrliginiň Metbugat gullugyna salgylap, “Sputnik” agentliginiň berýän habaryna görä, taraplar ulag geçelgelerini ösdürmegiň zerurdygyny nygtap, demir ýol infrastrukturasyny kämilleşdirmek we iki ýurduň arasyndaky ýük dolanyşygyny artdyrmak üçin arzanladyşlary hödürlemek hakynda karara geldiler.
