Uly blogerlerde nägilelik döredip, Instagram ýakynda täze algoritmden we platformany TikTok-a meňzeş etjek redizaýndan ýüz öwürmeli boldy. Şeýle-de bolsa, serwis üýtgeşmesiz oňmak islemeýär.
Geljek iki hepdede Instagram 9:16 formatdaky suratlary synagdan geçirip başlar diýip, The Verge habar berýär. incrussia.ru saýtynyň bellemegine görä, bu barada serwisiň baş müdiri Adam Mosseri Ask Me Anything hepdelik sessiýasynda aýtdy. Häzirlikçe Instagram suratlar üçin 4:5 formaty göterýär.
Taraplaryň 9:16 gatnaşygy diňe gysga wideolar – serwis tarapyndan uly üns berilýän Reels üçin elýeterlidir.
“Siziň 9:16 formatly wideolaryňyz bolup biler, ýöne şeýle suratlary Instagram-da ýerleşdirmek mümkin däldir. Şonuň üçin biz funksionaly giňeltmek kararyna geldik” – diýip, Mosseri düşündirdi.
