Microsoft korporasiýasy Windows 11-de işi tamamlamagyň gepleşik penjiresiniň täze dizaýnyny synagdan geçirýär diýip, Windows Latest portaly habar berýär. Bu barada gazeta.ru belleýär.
Microsoft-yň operasion sistemalarynyň has köne wersiýalaryndan tapawutlylykda, Windows 11 henizem doly işlemek tapgyryndadyr. Kompaniýa täze funksiýalary goşmagy dowam etdirýär, ýöne ulgam häli-häzire çenli bitewi dizaýn koduna eýe bolmady.
Microsoft eýýäm Windows 8-den bäri üýtgemedik “Kömegi bilen açmak” gepleşik penjiresini täzeden işledi we indi Alt+F4 basylanda peýda bolýan işi tamamlamak penjiresi üçin täze dizaýny göz öňünde tutýar.
Neşir edilen ekran suratyna görä, Microsoft täze penjireden Windows logotipini we kompýuteriň şekilini aýyrar. Işi tamamlamak penjiresiniň täzeden işlenen interfeýsi ýönekeý daşky keşbe eýe bolar we ulgam reňklerini ulanar.
Işi tamamlamagyň täzelenen gepleşik penjiresi Windows 11-de 25174 ýygnama belgisi bilen görkezildi. Geljekde täze OS-yň döwrebap dizaýn diline laýyk gelmegi üçin düwmeleriň we aşak düşýän menýunyň hem üýtgedilmegine garaşylýar.
