Apple kompaniýasy Luiji Taraborrellini hakyna tutdy, ol öň 20 ýyldan gowrak wagt Lamborghini-niň esasy top-menejerleriniň biri bolupdyr we Urus, Huracan, Aventador we ş.m. awtoulaglary döretmegiň üstünde işläpdir.
Automotive News Europe-niň habar bermegine görä, bu Apple-iň öz hususy ulagyny işläp taýýarlamagyň üstünde işjeň işleýändigine şaýatlyk edýär. IT ägirdine şassini, dest dolandyryşyny, tormozlary we awtoulagyň beýleki böleklerini döretmäge we sazlamaga hut Luiji Taraborrelli kömek bermeli.
Apple-de däp bolşy ýaly, awtoulagyň döredilişiniň geljegi hakynda gürrüň bermekden boýun gaçyrýarlar. Şeýle hem bolsa, öň kompaniýa Ford-yň, BMW-niň, Tesla-nyň, Porsche-niň, Aston Martin-iň we beýleki awtoulag konsernleriniň birnäçe tejribeli inženerlerini hakyna tutupdy.
Apple-iň birinji awtoulagy 2025-nji ýylda görkeziler diýip garaşylýar. Megerm, ol ýolda özbaşdak hereket edip bilýän awtopilot ulgamly ulag bolsa gerek.
