Amerikaly telekeçi Ilon Mask Twitter kompaniýasyna garşy arzasyny mälim etdi. Ozal Twitteriň ýolbaşçylary milliarderiň sosial tory satyn almak boýunça 44 milliardlyk geleşigi tamamlamagyny gazanmak üçin ony kazyýete beripdi. Bu barada CNBC habar berýär.
Mask näbelli sebäbe görä kazyýetden garşylyklaýyn talap arzasynyň jikme-jikliklerini gizlin saklamagy haýyş etdi diýip, teleýaýlym belleýär. Twitter iýulda goşulyşmak hakyndaky ylalaşygy bozandygy üçin Masky kazyýete beripdi.
25-nji aprelde Mask bilen Twitteriň ýolbaşçylary milliardere sosial tory 44 mlrd dollara satmak barada ylalaşyk gazandylar. Ýöne maýyň ortasynda işewür, tä Twitter sosial toruň ulanyjylarynyň arasynda feýk akkauntlaryň paýy hakyndaky ýagdaýy aýdyňlaşdyrýança, geleşigiň mundan aňry süýşmejekdigini aýtdy.
8-nji iýulda Mask, ylalaşygyň düzgünleriniň bozulýandygyna salgylanyp, satyn almak boýunça geleşikden ýüz öwürýändigini Twittere mälim etdi. Şonda Twitteriň ýolbaşçylary sosial toruň söwdasy boýunça geleşigiň tamamlanmagyny gazanmak üçin milliarderi kazyýete berdi.
Delawer ştatynyň kansler kazyýeti Twitteriň Maska bildiren talap arzasyna 17-nji oktýabrda garap başlajakdygyny habar berdi. Garamaklyk bäş günüň içinde tamamlanmaly edildi. Maskyň hukukçylary talap arzasyna garalyşynyň çaltlaşdyrylmagyny bökdemäge synanyşdylar we kazyýet işi 2023-nji ýyldan bärde başlanmaly däl diýip aýak dirediler.
