Amazon.com Inc. amerikan internet-riteýleri ilkinji lukmançylyk sanitariýa kömegini üpjün edýän One Medical kompaniýasyny satyn almak barada şertnama baglaşdy. Bu barada interfax.ru habar berýär.
Baş kompaniýasy 1Life Healthcare Inc. bolan One Medical ABŞ-da 182 lukmançylyk ofisini dolandyrýar.
Amazon One Medical-yň paýnamasy üçin 18 dollar tölär, şertnama karzy hasaba almak bilen 3,9 mlrd dollar bilen bahalandyrylýar.
Şeýlelik bilen, Amazon saglygy goraýyş pudagynda giňelmegini dowam etdirýär. 2019-njy ýylda ol PillPack onlaýn dermanhanasyny satyn aldy, soňrak işgärler üçin ilkinji kömek klinikasyny açdy.
Şertnamanyň şertlerine laýyklykda, One Medical-yň baş ýerine ýetiriji müdiri Amir Den Rubin bolup galar. Amazon-yň paýnamalary penşenbe güni söwdanyň dowamynda 0,7% arzanlady. 1Life Healthcare Inc. kompaniýasynyň kagyzlary 67,8% gymmatlaýar.
