Hytaý howpsuz we açyk kibergiňişligi döretmek ugrunda beýleki ýurtlar bilen hyzmatdaşlyk etmäge taýýar. Bu barada HHR-iň prezidenti Si Szinpin Bütindünýä internet konferensiýasynyň çäklerinde halkara iş toparyny işe girizmek dabarasynda aýtdy. Muny Regnum habarlar agentligi ýetirýär.
Onuň aýtmagyna görä, kibergiňişlik adamzadyň ykbalyna uly täsir edýär, bu giňişligiň geljegi bolsa dünýäniň ähli ýurtlary tarapyndan bilelikde döredilmeli.
“Hytaý halkara jemgyýetçiligi bilen bilelikde has adalatly we rasional, açyk we inklýuziw, howpsuz we durnukly, ýaşaýşa ukyply kibergiňişligiň gurluşygyny ilerletmäge taýýar” – diýip, Hytaýyň Merkezi telewideniýesi Si Szinpiniň sözlerini getirýär.
Ol iş toparynyň döredilmeginiň maglumat tehnologiýalarynyň çalt ösýän we kibergiňişlik gurşawynda halkara hyzmatdaşlygyň güýçlenýän döwründe möhüm çäredigini belledi.
