2019-njy ýylda «Formula-1» çempionatyň durmuşa geçirjek has giň ekologiki strategiýasynyň çäginde 2030-njy ýyla çenli uglerod bitaraplygyny gazanmakçydygyny mälim etdi.
Day.Az-yň habar bermegine görä, şondan bäri üç ýyl geçdi we bu döwürde öňde goýlan maksatlara ýetmekde uly işler durmuşa geçirildi we Beýik Britaniýanyň Gran-prisinden öň çempionatyň ýolbaşçylygy ekologiýa gurşawynda geljekki işleriň meýilnamalary barada ýatlatmak isleýär.
Möwsümiň dowamynda paddokda we bokslarda bu programma bagyşlanan täze logotipler görkeziler, sebäbi çempionatyň ýolbaşçylygy awtosport jemgyýetiniň we tutuş dünýäniň ekologiki başlangyçlardan habarly bolmagyny isleýär.
“Formula-1-iň” metbugat relizinde bellenilişi ýaly, 2026-njy ýylda çempionatyň toparlarynyň geçjek indiki nesil gibrid hereketlendirijileri doly sintetiki ýangyçda işlär. Häzir şeýle ýangyç taýýarlanylýar we geljekde ol dünýä derejesinde içerki ýangyç hereketlendirijilerinde ulanylyp bilner, bu hem awtomobil senagatyna atmosfera goýberilýän zyýanly zyňyndylary azaltmaga kömek eder.
Täze ýangyjy taýýarlaýjylaryň öňünde duran wezipäniň esasy özeni ony häzirki hereketlendirijilerde ulanyp bilmek mümkinçiliginiň bolmagydyr.
Bu möhüm pursatdyr, sebäbi ulaglaryň elektrikleşdirilmegine garamazdan, dünýäde içerki ýangyç hereketlendirijileri heniz uzak wagtlap peýdalanylar. Indiki onýyllykda ösen ýurtlaryň köpüsinde şeýle hereketlendirijileri bolan awtomobilleriň satuwyny gadagan etmek göz öňünde tutulsa-da, hasaplamalara görä, 2040-njy ýyla çenli dünýä ýollarynda elektromobilleriň paýy 30%-den geçmez.
