Özbegistanda howanyň yssylygy sebäpli, demirýol düşeginiň polat bölekleriniň temperaturasy adatdakysyndan has ýokary bolar. Şunuň bilen baglylykda otlularyň tizligi çäklendirilýär diýip, “Özbek demir ýollary” kompaniýasy habar berýär. Muny rbc.ru ýetirýär.
“Hereket howpsuzlygyny üpjün etmek maksady bilen “O’ztemiryo’lyo’lovchi” açyk paýdarlar jemgyýetiniň (“Özbek demir ýollarynyň” golçur kompaniýasy) ýolbaşçylygy otlularyň hereketiniň tizliginiň çäklendirilýändigini habar berýär, bu ýerli we halkara gatnawlary amala aşyrýan otlularyň hereketiniň tertibine täsir eder” – diýlip, habarda aýdylýar.
Kompaniýa otlularyň bellenilen nokada giç baryp biljekdigini belleýär.
Özbegistanyň Gidrometeorologiýa merkeziniň maglumatlaryna görä, iýun aýynyň ahyrynda Özbegistanyň çäginde yssy howa dowam eder – gündiz temperatura +42 gradusa, ýurduň günortasynda bolsa +45 gradusa ýeter.
Gidrometeorologiýa merkezi iýun aýynyň 25-inden awgust aýynyň 5-i aralygynyň Özbegistanda, adatça, ýylyň iň yssy döwrüdigini belleýär. Ol “çillýa” (pars dilinden terjime edilende “kyrk gün”) diýlip atlandyrylýar.
