Dünýäniň awtoulag bazary elektron çipleriň ýetmezçiliginden ep-esli zyýan çekdi, şeýle-de bolsa öndürijiler täze modelleri çykarmagy dowam etdirýärler. Carsweek portalynyň hünärmenleri premýerasy 2022-nji ýylyň iýul aýynda bolmaly iň täze bäş awtoulagyň sanawyny hödürlediler. Muny njcar.ru ýetirýär.
Bu sanawy Chevrolet Colorado ZR2 açýar. Täze pikapyň premýerasy 28-nji iýula meýilleşdirilýär. Awtomobil täzeden işlenen dizaýna we islendik şertlerde hereket etmek üçin iň täze “Safari Bar” ulgamyna eýe boldy.
Hyundai Creta bilen Kia Seltos-yň gönüden-göni bäsdeşi bolan täzelenen ykjam krossower Toyota Urban Cruiser Hyryder hem iýul aýynda hödürlener. Awtomobil döwrebap doly herekete geçiriji e-Four ulgamly Suzuki Global-C platformasyna esaslanýar.
Kämilleşdirilen Kia Seltos giňeldilen opsiýalar toplumy we üýtgedilen hereketlendiriji gammasy bilen öwnüp biler.
Täze Cadillac Lyriq krossoweri hem bir aýdan Hytaýyň bazaryna çykar.
2 980 mm teker bazasy bilen uzynlygy 5 099 mm bolan üç hatarly premial kross-kupe Audi Q6 hem indiki aýyň ahyrynda HHR-de hödürlener.
