Birnäçe alyjy Ýaponiýanyň Toshiba korporasiýasyny satyn almaga gyzyklanma bildirýär we bu şertnama üçin, takmynan, 22 mlrd dollar teklip etmegi göz öňünde tutýar. Bu barada Reuters agentligi habar berdi diýip, TASS belleýär.
Agentlik potensial alyjylaryň biri hökmünde 2021-nji ýylda Toshiba-ny satyn almaga synanyşan Britaniýanyň CVC Capital Partners maýa goýum gaznasyny görkezýär. Şol wagt bu synanyşyk korporasiýanyň prezidenti Nobuaki Kurumataniniň işinden aýrylmagyna getirdi. Ol, paýdarlaryň pikiriçe, bu şertnamany amala aşyrmak üçin betnebis bähbitleriň ugrunda hereket etdi.
Soňky ýyllarda Toshiba beýlekiler bilen bir hatarda 2015-nji ýylda maliýe hasabatynyň galplaşdyrylmagy sebäpli dörän dawa, şeýle-de 2017-nji ýylda amerikan bölümçesiniň bankrot bolmagy sebäpli ýüze çykan düýpli ýitgi bilen baglanyşykly çökgünligi başdan geçirdi. Bu ýagdaýy korporasiýanyň ýolbaşçylygy bilen esasy paýdarlaryň arasynda dowam edýän dawa hasam kynlaşdyrýar.
