Maks Werstappen Azerbaýjanyň Gran-prisiniň ýeňijisi boldy

  • 13.06.2022 21:51
  • 3.5k+

“Red Bull” toparynyň niderlandly sürüjisi Maks Werstappen “Formula-1” klasynyň awtoýaryşlary boýunça dünýä çempionatynyň sekizinji tapgyry bolan Bakuwda Azerbaýjanyň Gran-prisiniň ýeňijisi boldy. Ikinji orny onuň topardaşy meksikaly Serhio Peres, üçünji orny britaniýaly Jorj Rassel (“Mersedes”) eýeledi diýip, interfax.ru habar berýär.

Saýlama tapgyrynda iň gowy wagty görkezen we poul-pozişnden badalga alan “Ferrariniň” sürüjisi Şarl Lekler, deslapky maglumatlara görä, hereketlendirijide ýüze çykan näsazlyk sebäpli distansiýadan çykmaga mejbur boldy. Onuň topardaşy Karlos Saýns hem şeýle ýagdaýa düşdi. 
Werstappen 150 utuk gazanyp, şahsy sanawda liderligini berkitdi. Ikinji orna Peres geçdi (129), Lekler üçünji orna düşdi (116).
Konstruktorlaryň kubogynda birinji orny “Red Bull” (279 utuk) eýeleýär, onuň yzyndan “Ferrari” (199), üçünji orunda “Mersedes” (161) gelýär.


02.06.2025 08:07
1.4k+

“Maklareniň” sürüjisi Piastri Ispaniýanyň Gran-prisiniň ýeňijisi boldy

“Maklareniň” awstraliýaly ýaryşa gatnaşyjysy Oskar Piastri “Formula-1” çempionatynyň dokuzynjy tapgyry bolan Ispaniýanyň Gran-prisiniň ýeňijisi boldy. Ýaryş Barselonada geçirildi. Ikinji bolup pellehana Piastriniň topardaşy britaniýaly Lando Norris geldi...

26.05.2025 14:59
1.4k+

“Maklareniň” sürüjisi Norris Monakonyň Gran-prisiniň ýeňijisi boldy

“Maklaren” toparynyň britaniýaly ýaryşa gatnaşyjysy Lando Norris “Formula-1-iň” Monte-Karlonyň ýolunda geçirilen sekizinji tapgyrynda ýeňiji boldy. Ikinji bolup pellehana “Ferrariniň” sürüjisi Şarl Lekler geldi...

19.05.2025 14:47
1.4k+

Maks Werstappen Italiýanyň Gran-prisiniň ýeňijisi boldy

“Red Bull” toparynyň niderlandly sürüjisi Maks Werstappen “Formula-1” çempionatynyň ýedinji tapgyry bolan Emiliýa-Romanýanyň Gran-prisinde ýeňiji boldy. Ýaryş Italiýanyň Imola şäherinde geçirildi. Pellehana ikinji bolup “Maklarenden” britaniýaly Lando Norris geldi...

08.05.2025 12:11
2.5k+

“Formula-1-iň” sürüjileri LEGO-dan düzülen ulaglarda ýaryşdy

Geçen dynç günleri Maýaminiň Halkara awtodromynda “Formula-1” çempionatynyň altynjy tapgyry başlamazdan ozal ýaryşa gatnaşyjylaryň däp bolan ýörişi geçirildi. Bu gezek olar aýlawy adaty ulaglaryň deregine LEGO böleklerinden ýygnalan doly göwrümli bolidlerde geçdi diýip, Reuters habar berýär...