Hytaý dünýäde iň beýik meteostansiýany gurnady

  • 07.05.2022 09:05
  • 13k+

Hytaý alymlary Ewerestiň gerşinde dünýäde iň beýik meteostansiýany gurnadylar. Ol 8800 metr belentlikde ýerleşýär. Ondan öňki iň beýik meteorologiýa stansiýasy 2019-njy ýylda amerikan-britan ekspedisiýasy tarapyndan Ewerestiň günorta eňňidinde, 8430 metr belentlikde gurnalypdy.

13 adamdan ybarat ylmy ekspedisiýa Hytaýyň Ylymlar akademiýasynyň ýanyndaky Tibet daglygynyň barlaglary instituty tarapyndan guraldy. Stansiýanyň ähli enjamlarynyň agramy 50 kg töweregi bolup, ýokary çykarmak üçin onuň esasy bölekleri söküldi. Hytaý alymlarynyň bu taslamasy Ewerestiň depesinde onlarça şunuň ýaly stansiýalary ýaýbaňlandyrmagy göz öňünde tutýar. Üstümizdäki ýylda olaryň eýýäm dördüsi: 5200, 7028, 7790 we 8300 metr belentliklerde gurnaldy. Geçen ýyl bolsa üç sanysy: 5400, 5800 we 6500 metr belentliklerde gurnalypdy.

Hytaýly barlag geçirijileriň pikirine görä, Ewerest ählumumy maýylganlygyň täsirini başdan geçirýär. Sekiz sany täze stansiýa şemalyň tizligi, onuň öwüsýän ugurlary, howanyň çyglylygy baradaky maglumatlary ýygnar. Mundan hem başga, alymlar olar arkaly ýokary belentliklerde buzluklaryň ereýşi hakynda has köp maglumatlary alarlar.


düýn 17:25
2.4k+

Nanotehnologiýa pudagyndaky patentleriniň sany boýunça Hytaý dünýäde birinji ýerde durýar

2000-nji ýyldan 2025-nji ýyla çenli dünýäde nanotehnologiýa pudagynda 1,07 milliondan gowrak patent hasaba alyndy. Şolaryň 464 müň sanysy Hytaýda hasaba alyndy. Şeýle maglumatlar Pekindäki Nanotehnologiýa forumynda neşir edilen “Hytaýyň nanotehnologiýa senagaty 2025” atly Ak kitapda getirilýär...

03.09.2025 17:13
17k+

Hytaýda dünýäniň iň beýik asma köprüsini 96 sany ýük ulagy bilen synagdan geçirdiler

Hytaýda Guýçžou welaýatynyň Huaszýan Uly kanýonynyň üstünden geçýän täze asma köpriniň soňky synaglary tamamlandy. Gurluş 625 metr belentlikde ýerleşýär we uzynlygy 2980 metrdir. Bu köpri Lýuçži we Anlun etraplaryny birleşdirýär we  kanýonyň üstünden geçmegiň wagtyny 1 sagat bolanlygyndan 1 minut 30 sekunda çenli gysgaldýar...

03.09.2025 16:58
5.3k+

Hytaý dünýäde iň güýçli deňiz ýel turbinasyny işe girizdi

Hytaýyň Dongfang Electric kompaniýasy 26 megawatt kuwwaty bolan dünýäde iň güýçli deňiz ýel turbinasyny oturtdy. Bu barada Interesting Engineering neşiri habar berýär. Mundan ozal Daniýanyň kenarynda oturdylan kuwwaty 21,5 megawat bolan Siemens Gamesa turbinasy öňdeligi eýeleýärdi, emma Hytaýyň täze taslamasy bu görkezijiden ýokary boldy...

01.09.2025 16:53
3.5k+

Hytaýda 50 GB faýly sanalgyja sekuntda ýükleýän 6G çibi döredildi

Hytaý dürli ýygylyk diapazonynda ýokary tizlikli interneti üpjün edýän dünýäde ilkinji “uniwersal” 6G çibini hödürledi. South China Morning Post-yň maglumatlaryna görä, bu çip bilen maglumatlary geçiriş tizligi “ABŞ-nyň oba ýerlerindäki” häzirki internetden 5 müň esse ýokary bolup biler...