Eýran soňky ýedi aýyň dowamynda nebit toplumynda $16,5 mlrd-lyk maýa goýum şertnamalaryny baglanyşdy diýip, çarşenbe güni Eýranyň Nebit ministri Jawad Oujiniň mälim edendigini Fars habarlar agentligi habar berýär.
Ol bu ugurda ýetilen sepgitler Eýran Yslam Respublikasynyň häzirki hökümetiniň döwründe energetika diplomatiýasynyň täzeden dikelýändigine şaýatlyk edýär diýip nygtady.
Ministriň nygtamagyna görä, bu babatda edilen ähmiýetli işleriň biri-de Türkmenistandan Eýranyň üsti bilen Azerbaýjana tebigy gazy eksport etmek boýunça şertnamanyň baglanyşylmagydyr.
Jawad Ouji nebitgaz pudagynda daşary ýurt kompaniýalary bilen baglanyşylan beýleki şertnamalary, gizlinligi saklamak maksady bilen, agzamakdan saklanýandygyny aýtdy.
