Şanhaýda soňky iki ýylda iň uly lokdaun girizildi

  • 29.03.2022 17:41
  • 12k+

Hytaýyň Şanhaý şäherinde COVID-19 keseli sebäpli duşenbe gününden soňky iki ýylda iň uly lokdaun başlandy. Bu barada Associated Press agentligi habar berýär. 

Şanhaýdaky lokdaun iki tapgyra bölner we 2019-njy ýylda koronawirusyň ýüze çykarylan ýeri bolan Uhandaky lokdaundan bäri Hytaýda iň güýçlüsi bolar. Birinji tapgyryň dowamynda duşenbe gününden anna gününe çenli Şanhaýyň Pudun ykdysady sebiti we onuň töweregindäki ýerler ýapylar. Ikinji tapgyr anna güni başlap, Şanhaýyň Huanpu derýasyndan günbatara tarap merkezi böleginde lokdaun yglan ediler. 
Bu döwürlerde ýaşaýjylar öýlerinde galmaly bolarlar, işi zerur hasaplanmaýan ofisler we kärhanalar ýapylar, jemgyýetçilik ulaglarynyň işi bolsa togtadylar. Şeýle-de, lokdaun wagty şäherde COVID-19 üçin köpçülikleýin barlaglar geçiriler.
Ýekşenbe güni Şanhaýda 3,5 müň töweregi adam koronawirus üçin položitel barlag tabşyrdy, olaryň diňe 50-sinde COVID-19-yň alamatlary ýüze çykaryldy. Hytaýda keseliň alamatsyz ýüze çykarylan hadysalary tassyklanan kesel hadysalary hasaplanmaýar.  


27.05.2025 10:26
1.8k+

Türkmenistan bilen Hytaýyň daşary işler ministrleri telefon arkaly söhbetdeş boldular

26-njy maýda Türkmenistanyň daşary işler ministri Raşid Meredow Hytaýyň daşary işler ministri Wan I bilen  telefon arkaly söhbetdeş boldy. Bu barada Türkmenistanyň DIM-niň metbugat gullugy habar berdi. Taraplar ikitaraplaýyn strategiki hyzmatdaşlygyň meselelerini, hususan-da, syýasy-diplomatik hyzmatdaşlyk, ykdysadyýet, energetika we beýleki birnäçe ugurlardaky meseleleri ara alyp maslahatlaşdylar...

26.05.2025 23:24
5.8k+

Pekinde “Merkezi Aziýa – Hytaý” formatynyň daşary işler ministrleriniň orunbasarlarynyň duşuşygy geçirildi

24-nji maýda Pekin şäherinde “Merkezi Aziýa – Hytaý” formatynyň Daşary işler ministrleriniň orunbasarlarynyň duşuşygy geçirildi. Türkmen tarapyna Türkmenistanyň daşary işler ministriniň orunbasary Ahmet Gurbanow wekilçilik etdi diýip, ýurdumyzyň daşary syýasat edarasynda habar berdiler...

26.05.2025 20:12
4k+

Aşgabat şäheriniň häkimligi «Changsha Zoomlion» hytaý kompaniýasyndan jemagat tehnikalaryny satyn alar

Aşgabat şäheriniň häkimligi Hytaý Halk Respublikasynyň «Changsha Zoomlion Environmental Industry Co., Ltd» kompaniýasyndan jemagat hyzmatlaryny ýerine ýetirýän ýöriteleşdirilen awtoulaglary, jemagat tehnikalaryny we enjamlary hem-de olaryň ätiýaçlyk şaýlaryny satyn alar...

24.05.2025 19:30
5.4k+

Türkmenistanyň Mejlisiniň Başlygy HHR-iň Başlygynyň orunbasary bilen duşuşdy

23-nji maýda Türkmenistanyň Mejlisiniň Başlygy D.Gulmanowa Hytaýa iş saparynyň çäklerinde HHR-iň Başlygynyň orunbasary Han Çžen bilen duşuşdy. Duşuşygyň barşynda BMG-niň Baş Assambleýasynyň Türkmenistanyň başlangyjy...