Bakuwda ýerleşýän Türki medeniýetiň we mirasyň halkara gaznasynda Halkara Nowruz güni mynasybetli guralan baýramçylyk çäresine türki dilli döwletleriň Azerbaýjanda hereket edýän diplomatik wekilhanalarynyň ýolbaşçylarydyr işgärleri gatnaşdylar. Onuň dowamynda agzalan gaznanyň prezidenti, Gazagystanyň, Gyrgyzystanyň, Türkiýäniň, Türkmenistanyň, Özbegistanyň, Wengriýanyň, Litwanyň ilçileridir diplomatlary çykyş edip, gadymy Nowruz baýramy hem-de onuň öz wekilçilik edýän ýurtlarynda bellenilişi barada pikir-garaýyşlaryny paýlaşdylar.
Çäräniň çäklerinde gaznanyň esaslandyryjysy bolan türki dilli döwletleriň aşhanasynyň milli tagamlary bilen bezelen desterhanlar ýazylyp, halklaryň milli lybaslary we beýleki Nowruz däpleri görkezildi.
