Gyrgyzystanda 12-nji martdan saglygy goraýyş edaralaryndan we jemgyýetçilik ulaglaryndan daşary örtük dakynmak düzgüni ýatyrylýar. Bu barada Ministrler Kabinetinde habar berildi.
Onuň maglumatlaryna görä, ýokary okuw mekdeplerinde, orta ýörite okuw mekdeplerinde we beýleki umumy bilim edaralarynda okaýanlar we mugallymlar üçin, söwda merkezlerinde, restoranlarda, kafelerde, naharhanalarda, bazarlarda, muzeýlerde, sport klublarynda, kitaphanalarda hökmany örtük dakynmak düzgüni ýatyryldy.
Saglygy goraýyş ministrligine gyzyklanýan döwlet edaralary bilen bilelikde 12-nji martdan bar bolan algoritmlere we görkezmelere zerur üýtgetmeleri girizmek tabşyryldy.
Şeýle-de bolsa, saglygy goraýyş edaralarynda (döwlet, munisipial we hususy) hem-de jemgyýetçilik ýolagçy ulaglarynda lukmançylyk örtüklerini dakynmagyň zerurdygy nygtaldy.
Raýatlara COVID-19-yň we beýleki ýokanç keselleriň ýaýramagynyň öňüni almak maksady bilen adamlaryň köp üýşen ýerlerinde, uly söwda merkezlerinde, bazarlarda, köpçülikleýin çärelerde meýletin esasda örtük düzgünini berjaý etmek maslahat berilýär.
