«EKSPO — 2020-niň» çäklerinde Türkmenistanyň syýahatçylyk mümkinçiliklerine bagyşlanan forum geçirildi

  • 11.03.2022 09:46
  • 13k+

10-njy martda Aşgabatda ýurdumyzyň syýahatçylyk ulgamyny ösdürmäge bagyşlanyp, sanly ulgam arkaly maslahat geçirildi. Maslahat Dubaý şäherinde geçirilýän “EKSPO — 2020” Bütindünýä sergisiniň çäklerinde guraldy. Foruma döwlet düzümleriniň wekilleri, işewürler, iri syýahatçylyk kärhanalarynyň ýolbaşçylary we köpçülikleýin habar beriş serişdeleriniň bu ugurda ýöriteleşen bilermenleri gatnaşdylar.

Syýahatçylyk ulgamynda özara bähbitli hyzmatdaşlygy we yzygiderli gatnaşyklary ýola goýmak we pugtalandyrmak, Türkmenistanyň syýahatçylyk mümkinçiliklerini wagyz etmek hem-de ilerletmek Medeniýet ministrliginiň ýurdumyzyň Senagatçylar we telekeçiler birleşmesi bilen bilelikde guran forumynyň baş maksady boldy.

Maslahatyň çäklerinde ýurdumyzyň ÝUNESKO-nyň Bütindünýä mirasynyň sanawyna girizilen taryhy-medeni hem-de häzirki döwrüň binagärlik ýadygärlikleri, halkymyzyň maddy däl medeni mirasy, şeýle hem döwletimiziň syýahatçylyk pudagy bilen tanyşdyrýan wideoşekiller görkezildi. Duşuşyga gatnaşyjylara ýurdumyzyň çäginde ýerleşýän taryhy-medeni we tebigy ýadygärlikler boýunça geçýän syýahatçylyk ugurlary barada doly maglumat almaga mümkinçilik döredildi.

Sanly ulgam arkaly goşulyşan daşary ýurtly gatnaşyjylar Türkmenistanyň medeni syýahatçylygynyň mümkinçilikleri boýunça öz garaýyşlaryny paýlaşdylar.


24.08.2025 17:46
6.7k+

Bvlgari 2030-njy ýyla çenli Abu-Dabide täze kaşaň dynç-alyş toplumyny gurar

Bvlgari Hotels & Resorts Birleşen Arap Emirlikleriniň paýtagty Abu-Dabide täze dynç alyş toplumyny we ýaşaýyş jaýlaryny gurmak barada ylalaşyk baglaşdy. Toplumyň açylyşy 2030-njy ýyla meýilleşdirilýär. Bvlgari Resort & Mansions Abu Dhabi hususy adada ýerleşer...

23.08.2025 18:31
8.6k+

Tailand 200 müň syýahatça mugt awiabiletleri paýlamagy meýilleşdirýär

Tailandyň Syýahatçylyk we sport ministrligi daşary ýurtly syýahatçylar üçin mugt içerki uçuş maksatnamasyny teklip etdi. Bu başlangyjy durmuşa geçirmek üçin 700 mln bat bölüp bermek meýilleşdirilýär diýip, The Economic Times neşiri ýazýar...

22.08.2025 19:06
12k+

Döwlet departamenti ABŞ-nyň wizasy bolan 55 mln adamy düzgün bozma barlagyndan geçirer

21-nji awgustda ABŞ-nyň Döwlet departamenti amerikan wizalary bolan 55 milliondan gowrak daşary ýurtlynyň migrasiýa kanunyň düzgünlerini bozup bilendigini ýa-da ýokdugyny barlar. Bu barada Associated Press agentligi habar berýär...

22.08.2025 19:04
16k+

Türkiýe türkmen raýatlary üçin talyp wizasyny almaga ýüz tutmak tertibine üýtgetmeleri girizdi

Türkiýe Türkmenistanyň raýatlary üçin talyp wizasy bilen baglanyşykly ýüz tutmak tertibine üýtgetmeleri girizdi. Bu barada Türkiýäniň Aşgabatdaky Gateway wizalar merkezi mälim etdi. Üýtgetmler 2025-nji ýylyň 20-nji awgustyndan güýje girýär...