Türkmenistanda 2022-nji ýylyň 20-nji martynda ählihalk bag ekmek dabarasy geçiriler. Bu baradaky degişli Karara Hökümetiň 4-nji martda geçirilen mejlisinde Prezident Gurbanguly Berdimuhamedow gol çekdi.
Ozal habar berlişi ýaly, ýurdumyzda ekologiýa abadançylygyny üpjün etmek we tokaý zolaklarynyň çägini giňeltmek boýunça döwlet Baştutanynyň tabşyrygyna laýyklykda, şu ýyl saýaly, pürli, miweli baglaryň we üzümiň jemi 3 million düýbüni ekmek göz öňünde tutuldy. Türkmen Lideriniň Karary bilen, ministrliklere, pudaklaýyn dolandyryş edaralaryna, welaýatlaryň we Aşgabat şäheriniň häkimliklerine ählihalk bag ekmek dabarasynyň ýokary guramaçylykly geçirilmegini üpjün etmek tabşyryldy.
