3G modemler bilen enjamlaşdyrylan köne Tesla awtoulaglary 3G setleri öçürilen ýagdaýynda aragatnaşykdan üzňe galarlar diýip, Electrek portal mälim edýär, Gazeta ru-a salgylanýan Day.Az. habar berýär.
Tesla Model S-iň amerikaly eýelerine ýollan hatynda 2015-nji ýylda goýberilen elektromobilleriň 2022-nji ýylyň 22-nji fewralyndan başlap sete çatylmagyny bes etjekdigini aýtdy. Bu ýagdaý AT&T amerikan operatorynyň, LTE-iň we 5G-iň bähbidine, üçünji nesliň setlerini goldamagyny bes edýändigi bilen düşündirilýär. Basym beýleki operatorlar hem 3G-den ýüz öwrerler.
Seti öçürilen ulanyjylar elektromobilleriniň klimat-kontrolyny, açar-gulplaryny we sazlaýyş ulgamyny uzak aralykdan dolandyryp, nawigasiýa we trafik barada maglumat alyp, şeýle-de, üznüksiz hyzmatlara birigip hem-de programma üpjünçiligini täzeläp bilmezler.
Kompaniýa 3G modemleri bilen enjamlaşdyrylan Teslalaryň eýelerine 200$-a çiplerini has döwrebap 4G-li görnüşe çalyşmak maksady bilen, hyzmat ediş merkezlerine ýüz tutmagy teklip edýär.
