Los-Anjelesde zarýad stansiýasyny we 1950-nji ýyllaryň stilinde retro-futuristik garbanyşhanany özünde jemleýän dünýäde ilkinji Tesla Diner işläp başlady.
Bu şäherde iň uly Tesla Supercharger toplumy bolup, onda NACS standartyny goldaýan ähli elektromobiller üçin 80 sany V4 zarýad porty elýeterlidir. Myhmanlar bu ýerde awtomobillerine zarýad berip, iýip-içip we filmlere tomaşa edip biler. Sargytlar awtomobiliň sensor ekrany arkaly öňünden ýa-da ýerinde kabul edilýär. Tagamlar göni sürüjiniň aýnasyna eltilýär. Menýuda adaty amerikan tagamlary: burger, hot-dog, ýeralma frisi we süýtli kokteýller bar.
Toplum iki sany uly LED ekrany bilen üpjün edildi we olarda filmler, aýdym-saz klipleri hem-de SpaceX-iň uçuşlary görkezilýär. Ses Tesla-nyň audio-ulgamy arkaly sinhronlanýar, şol sebäpli ony gönüden-göni salonda eşitmek bolýar.
Binanyň üçeginde açyk eýwan bar, içinde bolsa myhmanlara Optimus roboty hyzmat edýär.
“Bizde dynç alyp hem bilersiňiz – iki mega-ekranda filmler we ýörite programmalar görkezilýär. Iýip-içmäge we biziň Skypad eýwanymyzda dynç almaga geliň ýa-da Tesla Diner arkaly serediň, onda filmleriň tertibi hem bar” – diýlip, kompaniýada habar berildi.
